مجرد راي

المراقب العام

بسم الله الرحمان الرحيم ،

السلام عليكم ورحمة الله تعالى وبركاته،

مجرد راي 2197432411_small_1

بما
أن الفيميجان أصبح محظور في الملاعب و الفيفا أصبحت تصدر عقوبات صارمة ضد
مستعملي هذه الألعاب النارية في المقابلات ، والجزائر من بين المهددين
بالعقوبة بعد ما تم إشعال العديد منها في لقاء مصر، السؤال المطروح هل
يوجد بديل للفيميجان؟ ، بالطبع لا، وبما أن المناصر الجزائري لا يستطيع
الاستغناء عليه فهذا يعني أن الجزائر مهددة بالعقوبة لا محال ، ونحن في
غنى عن هذه العقوبة ، خاصة أن المصريين يترصدون أي خطئ من الجزائريين حتى
ينقضوا علينا وينعشوا حظوظهم في التأهل للمنديال، طبعا بعد كل هذا ما هو
الحل وما هو البديل ( جربنا الجرنان كيفكيف، قالك شوية دخان تخلصها
غالية ) ، المهم راودتني فكرة جابلي ربي مليحة ، علابالي بلي الجماعة دوك
تبدا تتقعد وتجيب الوقت مي معليش أنا نقولها.

الكل يعرف هذا النوع من الأضواء يزقولهم لي لاد LED وكاين بزاف ألوان
ومدام الجزائري يحب اليشعل العفايس مدابيه اليشعل هاد اللومبة الصغيرة،
زيد المقابلة راح تتلعب فالليل راح تكون أجواء روعة ، وحظارية ومندارتش من
قبل،

نبداو نيماجينيو دوك:

لازم الوسائل قبل: أولا لي ما يعرفش واشنو هي اللاد هاي صورتها

هادي بيضة

مجرد راي QED233,QED234

وهاي كي تشعل كيفاش تولي

وهادي خضرة

مجرد راي Vert-SM

وهاي كي تشعل كيفاش تولي

مجرد راي LED_Vert

وهادي حمرة

مجرد راي Red%20LED

وهاي كي تشعل كيفاش تولي

مجرد راي LED_rouge

المهم دوك إيماجينيو فالفلومبو ولا الفيراج لي يكونو قاعدين تم يشكلوا العلم الوطني بهاد الأضواء ، يخرج علام يشبه لهدا:

ماشي
تقول لوحة إشهارية هههههههه راني سور تخرج سينيمة وقاع يحلو فمهم مالقري
كو ماشي كيما الفيميجان مي خير من والو. في أوروبا وما داروهاش. ماد إن
ألجيريا .

المشكل
لي يقعد دوك هو التنظيم، علما أنو حنا ما عندنا لا إلترات لاهم يحزنون،
فما على الدولة إلا تجسيد الفكرة ، إلا حبت ما يتحرقش السطاد وما
نتعاقبوش،

كيفاش التدير ، ساهل المنظمين تاع الملعب يطراسيو العلم الوطني فالمدرج
تاع الفلومبو أو الفيراج ومن بعد في كل مقعد يحطو لومبة و اللون المناسب
وين لازم بيض بيض أو وين لازم خضر خضر أوين لازم حمر حمر، وكي يجي المناصر
ما عليه إلا يرفد الومبة ويستنا كي يدخلو لي جوار يشعلها وكي يكون النشيد
الوطني، أما باقي المدرجات لي ما فيهمش اللومبات ،عندنا الطريقة المعاصرة
تاعنا يرفدو العلامات كي العادة.

وجابلي ربي الفيفا ما تعاقبناش هكدا لأنو قاع الأطراف دارت رايها لالجيريان لقا واش يشعل والدخان مكاش حب يقول كلش ريقلو

فالأخير هادي مجرد فكرة راني نيماجني فيها دوك أعطونا رايكم.

ولي حب يتقعد يتقعد سي لو مومون أو جامي

(c'est le momon ou jamais)

حقا ما تظحكوش على الأخطاء الإملائية مع الزرب وكلش الله غالب هدا ماحلبت .

في
الأخير حظ موفق لفريقنا الوطني الجزائري، وزيد جماعة الله يستركم بلاكو
تشعلو الفيميجان الفيفا راهي تعس فينا، حتى إذا دخلناه نستناو حتى يصفر
نهاية المقابلة ويخرجو الزامبيين من السطاد ونشعلوه حنا في حنا والبراني
يسامحنا.

المديـــ رــــــ

مشكوووووووووور اخي

تحياتي لك

مشرف

فكرة مليحة خويا يعطيك الصحة cheers